خواطر وأشعار

من طرف **Ahmed mansour** الأربعاء يناير 13, 2016 11:03 pm

مساء الخيرات وصباح الحلويات

علي أغلي الناس شباب وبنات flower

~~~~~~~~~~~~~~~~~~~~~~~~~~~~~~~~~~~~

اسمحولي اشارككم بخواطري وتشاركوني برأيكم ومش هطول عليكم وندخل في
خواطر وأشعار 935504_120948124777429_885715952_n

====================================

ونبدأ مع أول قصيدة

جيل التمانينات

~~~~~~~~~~~

إحنا آخر جيل لعبنا

في الشارع من غير صداع

إحنا جيلنا كان بيسكت

بس بإشارة صباع

إحنا اللي لعبنا الاتاري

لما ايده كانت دراع

إحنا اللي اكلنا اللوليتا

واللي خوفنا م العفريتة

وأحلامنا كانت بسيطة

مكانش بيجيلنا صداع

احنا اللي اشترينا البيبسي بأقل الفلوس

ولما نخلص ماكنّاش نرمي الكازوز

إحنا اللي اشترينا ارواح

الاتنين بشلن

والله أحلي أيام

ياااااه ع الزمن

ياما مضغنا من السحري لبان

وسمعنا اغاني ع الووك مان

كنا عيله بنتجمع

وكنا حاسين بالامان

جيل اتوبيس كومبيليت

جيل الدقة مع السميط

واللي كان يعمل حويط

كان يتقرش بالسنان

جيل البومب والصواريخ

في العيد مع المسدسات

وف عمل طيارة ورق

ياما ضيعنا ساعات

كان عندنا 3 قنوات

بيكفّونا في التلفزيون

كان فوازير

واغاني كتير

رمضان والعيد والتكبير

كان أحلي حاجه الكارتون

أجدع سلام وأحلي تحية

لكل تمانيناتي أصيل

عاش طفولته بسعادة

وفاكر الزمن الجميل

========

ثاني قصيدة ودي طبعا كانت لحبيب قلبي :lol!:FARES:lol!:

============

الثالثة

بحبك يا أمي

========

من أول لحظه في عمري

وحبك بيجري في دمي

ودلوقتي لازم أقولك

بحبك يا أمي

بحبك وإنتي شيلاني

بإديكي فوق كتافك

بحبك وانتي عارفاني

بدوب في حنانك

بحبك لما تقوليلي

عايزاك تكون راجل

تاخد حقك بإيدك

ومتخافش من اي راجل

بحبك وانتي ضرباني

بإديكي علي خدودي

بحبك وانتي بكل ماعندك

عليا بتجودي

بحبك وانتي وخداني في ايديكي

ولفه ع المستشفيات

مابخلتي يوم عليا

وعلمتيني كتير حجات

علمتيني ان احترام الكبير

واجــــــــــــــــــــب

وعرفت معاكي اذاكر

واعمل الواجب

بحبك بكل الحالات

وفي كل الاماكن

وحب بين ضلوعي

متربع وساكن

بـــحـــبـــك يــــــا أمـــي

===================

االرابعة

بزرميط
=====
مصر بلد البزرميط . . .
تلقي الغبي فيها عامل حويط
والمرتشي واللي سارق عامل عبيط
فيها اللي زهقان م الكباب
واللي راضي ومقتنع بدقه وسميط
فيها اللي ع الميت تنزل عياط وصويت
وهي جوا ذاتها عارفه انو كان غتيت
فيها كل واحد ماشي بدماغه ويقولك وانا مالي
بس لو عرف الحقيقة هيتأكد ان الكلام غالي
فيها اللي ماسك في الكراسي ومفكرها عزبه وتكيه
يسرق وينهب زي مايكون مال بنته بهيه
وهـــي . . . .
صابره ومستحمله كل البلاوي
بتقولكم . . .
يا اهلي كفايه طبل وغناوي
و رغي علي القهاوي
وقوم يابني واشتغل وعمر الاراضي
واعمل شغلك بنفس . . هتلاقي نفسك راضي
وانت يا مسئول كفاية تنبله وقوم
شوف شعبك محتاج حاجات تعيش و تدوم
وآخر كلامي شوية شخابيط
بطل يااللي فاهم تعمل عبيط
========

الخامسة

خواطر وأشعار 11329832_836407699747939_6834677619967144343_n

طفوله مشردة
~~~~~~~
فين الاطفال وفين الطفوله
فين براءة سنة أولي
زمان كنا نقول عليهم عسوله و يختي كميله
كانوا الحيله
دلوقتي بيتربوا ع المهرجانات والشتيمه
والكلمة اليتيمة اللي الكل بيقولها
ده عيل .. أحب اقولك اتنيل
العيل ده تعلمه الصح من الغلط
مش يسوق توك توك وينحت في الظلط
تعرفه ان في ربنا وتحفظه القرآن
وتعرفه ان احترام الكبير واجب
مش يزعق ويرفع في الحواجب
وارجع في الآخر واقول
العيب فينا من صدي العقول
==========

السادسة

خواطر وأشعار 12006247_750260951787036_8630189428731714044_n

الاقصي يستغيث
~~~~~~~~
باللغة العربية الفصحة
إستيقظ وركز واصحي
يا بيه يابو ذمه واسعه
اقصانا ليه بيهون ؟؟
ويدنسه أنجاس صهيون
وانتوا مفيش دم واحساس
ياللي انتوا بتمشوا ورا حماس
ليه مخكوا جزمه وترباس
وعلي طول المشوار خوان
طب والاقصي اللي بيتهان
قكروا ايه ذنبه يا جدعان
وانتوا ياناس انتوا كمان
يا بتوع الجامعه العربية
كفاية تنديد والهمة شوية
خلي قراراتكوا قويه
ولا انتوا ايه مستنيين
اوعوا تقولوا صلاح الدين
لك الله يا أقصي
ومنا لك دعوه لرب العالمين
=============
يتبع ......

الإثنين	الثلاثاء	الأربعاء	الخميس	الجمعة	السبت	الأحد
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30